Our story

ჩვენი პორტფელი აერთიანებს საერთაშორისო ბრენდებს, რომელთაგან თითოეულს თავისი განსაკუთრებული ისტორია, ფილოსოფია და პროდუქტის განვითარების მიდგომა აქვს: INABA Foods — იაპონური მემკვიდრეობის მქონე პრემიუმ ბრენდი, რომელიც განსაკუთრებით ცნობილია კატებისა და ძაღლებისთვის განკუთვნილი ინოვაციური საკვებითა და სასუსნავებით. INABA-ს ისტორია 1805 წლიდან იწყება, ხოლო შინაური ცხოველების პროდუქტების მიმართულებით კომპანია 1958 წლიდან მუშაობს. Arquivet — ესპანური ბრენდი, რომელიც შინაური ცხოველებისთვის საკვებს, ბუნებრივ სასუსნავებსა და აქსესუარებს ავითარებს და ხარისხსა და ბუნებრივ შემადგენლობაზეა ორიენტირებული. Recordit და Mugue — ჩვენი პორტფელის კიდევ ორი ბრენდი, რომლებიც შინაური ცხოველების ყოველდღიური საჭიროებების დასაკმაყოფილებლად მრავალფეროვან პროდუქტებს გვთავაზობს. ჩვენ ვმუშაობთ იმისთვის, რომ საერთაშორისო ხარისხი ქართულ ბაზარზე ხელმისაწვდომი გავხადოთ და მომხმარებლებს შევთავაზოთ პროდუქტები, რომელთა არჩევა მათ შინაურ ცხოველებზე ზრუნვას უფრო მარტივსა და სასიამოვნოს გახდის. ჩვენი მთავარი ღირებულება არის სწორი ბრენდების სწორად შერჩევა. ჩვენ არ ვცდილობთ უბრალოდ რაც შეიძლება მეტი პროდუქტი შემოვიტანოთ — ვეძებთ განსაკუთრებულ პროდუქტებსა და ბრენდებს, რომლებიც რეალურ ღირებულებას ქმნის როგორც შინაური ცხოველებისთვის, ისე მათი მფლობელებისთვის.

ჩვენი გუნდი მუდმივად აკვირდება საერთაშორისო ბაზარს, ახალ ტენდენციებსა და ინოვაციებს, რათა საქართველოში ეტაპობრივად შემოვიტანოთ კიდევ უფრო მეტი საინტერესო და ხარისხიანი ბრენდი. ჩვენი ხედვაა, შევქმნათ საქართველოში შინაური ცხოველების პროდუქტების ისეთი პორტფელი, რომელიც გამოირჩევა ხარისხით, მრავალფეროვნებითა და განსხვავებული არჩევანით — და გავხდეთ სანდო პარტნიორი როგორც შინაური ცხოველების მფლობელებისთვის, ისე პეტ-შოპებისთვის, ვეტერინარებისა და ბიზნესპარტნიორებისთვის.